Salamat sa Pagsama!

Salamat sa patuloy na nakikinig sa musika namin sa Spotify! Maraming pagbabago at nangyaring mahirap usaran kaya salamat sa patuloy na suporta sa mga kanta. Nagsimula ang Running Out of Ink 2010 sa mga kantang nasulat ko. Tinutugtog at pinaparinig ko lang sa mga kaibigan ko yung mga home produced na demo at tinutugtog kasama ang mga kaibigang natitripan yung mga kanta. Salamat sa inyo.

Sinubukan namin ni Tim ng KillTheBunny x The Ice Cream Project na gumawa ng kanta. Nabuo namin yung Nakikintal at Can I Tell. Ang galing ni Tim, henyo kung henyo sa creativity lalo sa talas ng tenga sa pag produce ng musika. Dun kami sinipag buuin yung Cascade: The Fall EP. Band version lahat nung una naming ginawa. Tsagaan lang kahit pandemic namin ito narelease sa tulong ni maam Acel Music under Tenzi Records. Grabe! Biyaya ni Lord lahat yun samin.

Kaso dun na pumasok din yung kaba ko. Na kailangan makabuo ng banda kasi band version yung nilabas naming EP. May mga kaibigan at pamilyang tumulong ng walang tanong pa. Basta tutugtog kami. Martin sa bass. Kevin sa drums. Darcy sa keys. Si Ja sa gitara at vocals. Sinamahan nila ko sa malakasang trip. Nakabuo rin kami ng kanta na pinagtulong tulungan namin. Nalulunod. Pero kasama siguro nun e meron akong di napansin na hindi ko rin alam pa sa ngayon kung ano pero nangyari na hindi na nagtuloy yung lineup ng banda. Dun na ko nagtanong sa sarili ko. Dun ko binaling yung mga sumunod na kanta. Bumalik ako sa pagiging ako lang. Dulo Ng Tagpo.

Kaya yung mga kantang nilabas kasunod nun at puro solo na yung arrangement. Ako na lang din nag produce nung mga kanta. Kaya malayong malayo sa mga unang gawa na produced ng killthebunny. End of Joy Street. Sa ngayon di ko alam kung mkakagawa pa ako ng kanta. Pero salamat parin sa inyo na nakikinig. Salamat sa pagsama. Di ko matutumbasan yung pagsakay nyo sa trip na to.